Главная » 2014 » FEVRAL » 10 » Mast ukrainalik o‘g‘irlangan samolyotda Sochiga uchib bormoqchi bo‘ldi...

---

02:39 Mast ukrainalik o‘g‘irlangan samolyotda Sochiga uchib bormoqchi bo‘ldi...

Ukraina xavfsizlik xizmatining Xarkov viloyati tergov bo‘limi samolyotni qo‘lga olib, terrorchilik harakatini amalga oshirishga uringan shaxs ustidan jinoiy ish qo‘zg‘atdi. Mast bezori samolyotni Sochiga burishni talab etgan edi, deb yozadi “Unian” axborot agentligi. Ukrainaning Xarkov shahridan Istanbulga uchayotgan samolyotda mast yo‘lovchi uchuvchilar kabinasiga kirishga uringan. U samolyotni Sochi shahriga burishni talab etgan, aks holda portlatib yuborish bilan tahdid qilgan. Bezori o‘sha paytda Olimpiya o‘yinlari kechayotgan shaharda bo‘lgan Putin va Yanukovichlarning “qo‘llari qon” ekanligini ta’kidlagan va Ukrainadagi barcha garovga olinganlarni ozod etish talabini ilgari surgan. Aniqlanishicha, 1969-yilda tug‘ilgan bu shaxs Ukraina fuqarosidir. Uning yonida qurol yoki portlatkich yo‘qligi, boshqa yo‘lovchilarga xatar tug‘dirmasligini aniqlashgan. Biroq mast holatdagi soxta terrorchini tinchlantirish uchun uchuvchilar go‘yoki samolyotni orqaga burgandek harakatlar qilishgan. U bunga aldanib xotirjam tortgach, ekipaj a’zolari uning o‘zini qo‘lga olib, bog‘lab qo‘yishgan. Samolyot Istanbul aeroportiga bexavotir qo‘ndirilganidan so‘ng tekshirilgan, uning bortida birorta qurol-yarog‘ yoki portlatish moslamasi topilmagan. Uni portlatish bilan tahdid qilgan Ukraina fuqarosi esa Turkiya huquq- tartibot idoralari xodimlari tomonidan qo‘lga olingan. Ukraina xavfsizlik xizmatining Xarkov viloyati tergov bo‘limi mazkur ish yuzasidan harakatlarni boshlagan. Gumonlanuvchining o‘zi esa hozirda Istanbulda hibsda, Ukrainaning mazkur shahardagi Bosh konsulxonasi konsuli bu shaxs bilan uchrashmoqchi, deyiladi xabarda.

1 2 3 4 5 Категория: Yangiliklar | Просмотров: 609 | Добавил: AsaDBeK | Рейтинг: 0.0/0

Всего комментариев: 0